سعد الشهري

موقع خاص بقصائد الشاعر سعد الشهري


    من زاد مره وجوره

    شاطر
    avatar
    Admin
    Admin

    المساهمات : 3
    تاريخ التسجيل : 04/12/2017

    من زاد مره وجوره

    مُساهمة من طرف Admin في الجمعة فبراير 02, 2018 5:21 pm

    من عقب مـــاعــشنــا الهوى كننا طــيــــور
    ويـــعــتــز كــلــن فــي خـــــــويَــه وشـــوره
    ويهديلي الوردة وانـــا اهــديـــلــه ازهــــور
    ويــراعـــي احــســاســي واراعي شعــوره
    وان غبت ساعه كني غــايــب من شــهــور
    وان شفت منه اقصور اوفًي قــصــــــــوره
    واليوم عن وصلـــــه مــنــيــعــن ومحظور
    لا لـــــه بــمــوري ولا انــــا لي بـــمـــوره
    يــــــصــد عــني بـــلا خـــطيـــه ولاجـــور
    جــافـــانـــي المـــزيـــــــون حرمت ازوره
    فــقـــدت نـــور القلب مجـبـور مجــبـــــور
    ياشيب عـــيني عـقـــب فـــقـــدان نـــوره
    فرقاه هــدـَت حـــيـــلي وصرت مـــكســور
    يـــالــلــــه تخلي النفس دايم صــــبـــوره
    حــال الضرير الــلــي فقد فـــجــأه النـــور
    ماهو كما من خلَق مـــــــاشـــاف صــوره
    اسقيتني من كـــاســك الــمــرَ والـــجـــور
    لين الرحيل اصبح عـــــليـــــَه ضــــروره
    وجــبــرتــنــي عـنــَك انــا آخــذ الــــــدور
    وارعــى ضــعـــوفــن من ســواتـــك ذعـــوره
    كـلـمــة عــواطــف انــتهت مــالــهــا دور
    دامــه بــنــى بـيـنــي وبــيـنــه جــســـــــــوره
    ياللي تجازي الــــــود بـالــصــد والــجــور
    طــوع الــعــواذل ســــــــم فــحــذر شــــــروره
    لــنــَك لهم تــنــقــاد وتــــصــــدق الــــزور
    ردى الـــــردي لابـــــد يــعــلـــن ظــهــــــــوره
    اخترتهم خــلـيــتــني خـــــــارج الـــســــور
    تـــســمــع ونيني وتشعــلــه في جـــــــــــذوره
    ارفض وصالك والنظـر فـــيــك مــحــظــور
    وادفــن مـعــك ذكــرى الهــوى فـي قــبـــــوره
    حاضر حياتي انـــكـرك مـــالــك احــــظــور
    لا مــــــــانــــبـــي مــن زاد مــــرَه وجـــــــوره
    لاتآمن الدنيا الــــــزمــن فـــيـــك بـــيـــدور
    وتــشــوف صكــاتــــه وعــلــقـــم شــــــــروره
    وعند العظيم الله مـــنـــصـــور مــنـــصـــور
    مــن يــنــصــف الانــســـان ويـــرد جــــــــوره



      الوقت/التاريخ الآن هو الأربعاء يونيو 20, 2018 8:26 pm